Türkiyə baş nazirinin müavini Bülənt Arınc «Mavi Mərmərə» gəmisinin girov götürülməsi ilə bağlı kompensasiyası ödənilməsi istiqamətində İsraillə danışıqlarda heç bir irəliləyişin əldə edilmədiyini bildirib.
Lent.az-ın «Today zaman»-a istinadən məlumatına görə, baş nazirin mavini jurnalistlər qarşısında çıxışı zamanı deyib ki, Türkiyə tərəfi kompensasiya ilə əlaqədar şərtlərin təqdim edib, indi növbə İsrailindir.
Bülənt Arınc onu da qeyd edib ki, gəminin girov götürülməsi ilə bağlı İsrailin baş naziri Binyamin Netaniyahunun üzr istəməsi baş verən hadisəsinin qanunsuzluğunu təsdiqləyir.
Xatırladaq ki, 2013-cü il martın 22-də yəhudi dövlətinin hökumət başçısı ABŞ prezidenti Barak Obamanın iştirakı ilə Türkiyənin baş naziri Rəcəb Tayyib Ərdoğana zəng edərək, 2010-cu il mayın sonunda «Azadlıq donanması»nın girov götürülməsi nəticəsində Türkiyə vətəndaşlarının qətlinə görə ondan üzr istəmişdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
