Böyük Britaniyanın sabiq baş naziri Marqaret Tetçer cərrahi əməliyyat keçirib. Lent.az-ın “mignews.com” saytına istinadən verdiyi məlumata görə, həkimlər 87 yaşlı sabiq baş nazirin sidik kisəsindəki şişi götürüblər. Hazırda Marqaret Tetçer reabilitasiya kursu keçir və səhhəti yaxşılaşmaqdadır. Bununla belə, o, Yeni il bayramını da həkimlərin nəzarətində keçirməli olacaq.
Qeyd edək ki, ağrıdan şikayətlənən Marqaret Tetçer dekabrın 20-də xəstəxanaya yerləşdirilib. Son illər onun sağlamlığında ciddi problemlər müşahidə olunmaqdadır.
Xatırladaq ki, “Dəmir Ledi” kimi tanınan Marqaret Tetçer 3 dəfə olmaqla, 1979-1990-cı illərdə Böyük Britaniyada mühafizəkar hökumətə başçılıq edib. O, Böyük Britaniyada baş nazir postunu tutmuş ilk və hələ ki, yeganə qadındır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
