Türkiyə Silahlı Qüvvələrinin şəxsi heyətinin say tərkibi açıqlanıb
Türkiyə Silahlı Qüvvələrində 348-i general və admiral olmaqla ümumilikdə 671 481 nəfər xidmət edir. APA-nın xəbərinə görə, bu barədə Türkiyə Silahlı Qüvvələri Baş Qərargahının şəxsi heyətin tərkibi barədə açıqladığı son məlumatda bildirilib.
General və admiralların 314-ü Quru Qoşunları, Hərbi Dəniz və Hərbi Hava Qüvvələrində, 33-ü Jandarma Baş Komandanlığında, 1-i isə Sahil Təhlükəsizlik Qüvvələrində xidmət edir. Türkiyə Silahlı Qüvvələrində çağırışçıların sayı 456 113 nəfər, müqavilə əsasında xidmət edənlərin sayı isə 208 401 nəfərdir. Quru Qoşunları, Hərbi Hava və Hərbi Dəniz Qüvvələrində müqavilə əsasında xidmət edənlər şəxsi heyətin 32%-ni, Jandarma Qüvvələrində 30%-ni, Sahil Təhlükəsizlik Qüvvələrində isə 55,1%-ni təşkil edir.
Bundan başqa, Türkiyə Silahlı Qüvvələrində 52 260 nəfər mülki işçi çalışır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
