Şimali Kipr sahillərində sərnişin gəmisi batdı

Şimali Kipr sahillərində sərnişin gəmisi batıb.

Lent.az xəbər verir ki, bu barədə Türkiyənin NTV telekanalı məlumat yayıb.

Gəmi Girnə şəhəri sahillərində, limandan ayrıldıqdan qısa müddət sonra, sahildən 4 mil (6,44 kilometr) uzaqlıqda öncə yana yatıb, daha sonra sürətlə batıb. Özəl şirkətə məxsus gəmi Girnə-Mersin marşrutu ilə hərəkət edirmiş.

Gəmidə 8-i heyət üzvü, 259 sərnişin olub.

Xilasetmə işlərinə 1 vertolyot, Sahil Mühafizə Xidmətinin 4 qayığı cəlb edilib.

Sahildəki özəl qayıqlar da xialsetmə əməliyyatında iştirak edir.

Şimali Kipr Türk Cümhuriyyəti ictimai işlər və nəqliyyat naziri Erhan Arıklı indiyə qədər 10 nəfərin xilas edildiyini bildirib.