Həftə ərzində baş verən ən diqqət çəkən hadisələrlə bağlı fotolar təqdim olunub.
Lent.az xəbər verir ki, bu fotoları Aljazeera bir yerə toplayıb.
Həmin fotoları təqdim edirik:
71 yaşlı Vonq, Tay Po bölgəsindəki Vang Fuk Court yaşayış kompleksində baş verən dağıdıcı yanğın zamanı həyat yoldaşının binada qaldığını açıqladıqdan sonra fəryad edib. Məhəlləni bürüyən alovlar 4 600 sakinin yaşadığı binaları əhatə etdikdən sonra azı 146 nəfər ölüb, onlarla insan hələ də itkindir. – Foto Reuters-ə aiddir.
Mərkəzi Qəzza zolağındakı Bureyc qaçqın düşərgəsində dağıdılmış binaların xarabalıqları arasında odun yanında isinən didərgin fələstinli qadın. İsrailin Qəzzaya qarşı müharibəsi 2023-cü ilin oktyabrından bəri azı 70 100 fələstinlinin ölümünə, 170 965 nəfərin yaralanmasına səbəb olub. Foto AFP-ə aiddir.
Kolombonun kənarındakı Kaduvelada güclü yağışlardan sonra yaranmış daşqın sularına qərq olmuş evlər. Şri-Lanka 29 noyabr tarixində fövqəladə vəziyyət elan edib və beynəlxalq yardım çağırışı edib. Güclü yağışlar və daşqınlar nəticəsində ölənlərin sayı 193-ə çatıb, daha 228 nəfər itkindir. Foto AFP-ə aiddir.
Şimali Koreya lideri Kim Çen In və qızı Ju Ae, Xalq Ordusunun Hərbi Hava Qüvvələrinə aid 80 illik yubileyi qeyd etmək üçün Vanşan şəhərindəki Kalma Hava Bazasındakı nümayiş uçuşunu izləyirlər. Foto AFP-ə aiddir.
Kiyevdə hava hücumu zamanı zərbə alan yaşayış binasının qarşısında bir sakin zədələnmiş avtomobili yoxlayır. Kiyev hakimiyyətinin məlumatına görə, Rusiyanın dron hücumu nəticəsində Ukrayna paytaxtında bir nəfər ölüb, yeddi nəfər yaralanıb. Foto AFP-ə aiddir.
İndoneziyanın Açe əyalətinin Pidie Caya rayonunda Meureudu bölgəsində qəfil daşqınlardan sonra sakinlər sel basmış evin girişindəki qalın palçığı təmizləyirlər. Cənub-Şərqi Asiyada baş verən dağıdıcı daşqınlar İndoneziya, Tailand və Malayziyada 300-dən çox insanın ölümünə səbəb olub. Foto AFP-ə aiddir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
