Haitidə baş vermiş zəlzələ qurbanlarının sayı 1297 nəfərə çatıb.
Lent.az xəbər verir ki, bu barədə “France-Presse Agence” ölkənin mülki müdafiə idarəsinə istinadən məlumat yayıb.
Məlumata görə, azı 5,7 min insan xəsarət alıb, onlardan 3,2 min nəfəri xəstəxanaya yerləşdirilib. Xilasedicilər dağıntılar altında qalan insanların axtarışlarını davam etdirir.
Qeyd edək ki, avqustun 14-də səhər saatlarında Haitidə 7,2 bal gücündə zəlzələ baş verib. Zəlzələnin episentri təxminən 125 min nəfər əhalisi olan Le-Ke kommunasından 40 km məsafədə, ocağı isə 10 km dərinlikdə yerləşib. Ən çox Cənub, Qrand-Ans və Nipp departamentləri zərər görüb. Hökumət bir aylıq fövqəladə vəziyyət elan edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
