Əmisi öldü, həbsxanadan qaçdı

Həbsxanadan qaçan şəxs avtobusda saxlanılıb.

Lent.az Türkiyə mediasına istinadən xəbər verir ki, hadisə Konya şəhərində baş verib. Qəsdən adam öldürmə cinayətinə görə, 25 il həbs cəzası alan Əbubəkir. C həbsxanadan qaçıb.

Məlumata görə, Ağsaray-Konya yolunda avtobusu saxlayan polislər sərnişinlərin vəsiqələrini yoxlayıblar. Bu zaman Əbubəkir. C-nın cəzaçəkmə müəssisəsindən qaçdığı üzə çıxıb. O, yenidən həbsxanaya göndərilib.

Niyə qaçdığı soruşulduqda isə o, ölən əmisinin dəfninə getmək istədiyini bildirib.