“Delta” ştammının yüksək yoluxuculuğunun səbəbi tapıldı

“Koronavirusun “Delta” ştammının yüksək yoluxuculuğu onun insan hüceyrə membranı ilə birləşmə qabiliyyətinin uyğunlaşması ilə izah olunur”.

Lent.az xəbər verir ki, bu barədə “Science” jurnalı məlumat dərc edib.

Harvard Tibb Məktəbinin tədqiqatçıları insan hüceyrəsi üzərində təcrübə aparıblar. Məlum olub ki, SARS-CoV-2 “Delta” ştamının S-zülalı ACE2 reseptoru ilə bağlandıqdan sonra virusun və insan hüceyrəsinin membranlarının birləşməsinə digər infeksiya növləri ilə müqayisədə daha yaxşı uyğunlaşıb.

Tədqiqat qrupunun üzvü Bin Çen bildirib ki, müxtəlif variantlar arasında “Delta” ştammı membranın birləşməsini sürətləndirmək qabiliyyəti ilə seçilir: “Bu xüsusiyyət sayəsində “Delta” ştammı insan hüceyrələrini daha sürətli və effektiv şəkildə yoluxdurur”.