Nigeriyada 1 milyon dozadan çox vaxtı ötmüş Covid-19 əleyhinə peyvənd məhv edilib.
Lent.az-ın xəbərinə görə, bu barədə Nigeriyanın Vaksin Proqramı üzrə Milli Mərkəzi məlumat verib. Məlumatda qeyd edilir ki, “AstraZeneca” şirkətinin istehsalı olan vaxtı keçmiş peyvənd yandırılıb.
Mərkəzin direktoru Faysal Şuayib deyib: “Bu peyvənd ölkəyə hədiyyə edilərkən son istifadə tarixinə az qaldığı məlum idi. Lakin böyük dövlətlərin peyvənd millətçiliyinə görə Nigeriya peyvənd ala bilməyib. Böyük dövlətlər peyvəndləri toplayaraq istifadə müddəti başa çatanda bizə təklif ediblər”.
Qeyd edək ki, 220 milyon nəfər əhalisi olan Nigeriyada cəmi 4 milyon nəfər, başqa sözlə əhalinin 3%-i peyvənd olunub. Əhali isə koronavirus xəstəliyini ciddi qəbul etmir. Çünki malyariyadan hər saatda 10 nəfər dünyasını dəyişir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
