Meksikada, Xalisko ştatının Sapopan bələdiyyəsində dəhşətli kütləvi məzarlıq aşkar edilib.
Lent.az xarici mediaya istinadla bildirir ki, xüsusi axtarış dəstəsi Qvadalaxaranın yaxınlığındakı boş sahədə insan cəsədlərinin fraqmentləri ilə dolu 48 kisə tapıb.
İtkin düşmüş şəxslər üzrə prokuror müavini Blanka Truxillonun sözlərinə görə, ərazi böyük olduğundan qalıqları çıxarmaq üçün ağır texnika cəlb edilib. İşlər “Herreros Buskadores” axtarış qrupunun və İtkin düşmüş şəxslərin axtarışı üzrə Milli Komissiyanın dəstəyi ilə aparılıb.
Hazırda tapılmış bütün kisələrdəki qalıqlar kompleks məhkəmə-tibbi ekspertizaya göndərilib. Rəsmi şəxslərin sözlərinə görə, bu ərazidə basdırılmış qurbanların dəqiq sayını müəyyən etmək hələ mümkün deyil. Bunun üçün uzun müddət tələb edən dəqiq genetik tədqiqat aparılmalıdır.
Bu dəhşətli tapıntı artıq faciəvi statistikanı daha da artıracaq: Xalisko ştatında 15,9 mindən çox insanın itkin düşməsi faktı qeydə alınıb. Regional ekspertlər və hakimiyyət orqanları bu qədər yüksək rəqəmi ən güclü narkokartellərdən biri olan “Xalisko Yeni Nəsil”in (Jalisco New Generation Cartel) amansız fəaliyyəti ilə əlaqələndirirlər. Bu cinayətkar qruplaşma ABŞ tərəfindən xarici terror təşkilatı kimi tanınıb, onun lideri “El Menço” ləqəbli şəxs haqqında məlumat üçün isə 15 milyon dollar mükafat təyin edilib.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
