Çində intihar dəbə minib

Çində intihar ciddi problemə çevrilib.

Lent.az-ın “Sinxua” agentliyinə istinadən verdiyi məlumata görə, Çin Xəstəliklərlə Mübarizə və Nəzarət Mərkəzinin hesabatında qeyd olunur ki, 1 il ərzində Çində 287 min insan özünü öldürüb.

Digər diqqət çəkən məqam inkişaf etmiş ölkələrdən fərqli olaraq, Çində intihar edən qadınların kişilərdən daha çox olmasıdır. Əgər inkişaf etmiş ölkələrdə intihar edən kişilərin sayı qadınlarla müqayisədə 3 dəfə çoxdursa, Çində intihar edən qadınların sayı kişilərlə müqayisədə 25 faiz çoxdur.

Hazırda intihar Çində ölüm səbəbləri sırasında 3,6 faiz göstərici ilə beşinci yerdədir. Lakin 15-34 yaş arasında ölənlərin ölümlərinin səbəbləri sırasında ilk yerdə məhz intihar gəlir. Ümumiyyətlə, hər il ölkədə 2 milyon insan intihara cəhd göstərir. Bu, 50 il əvvəllə müqayisədə 60 faiz çoxdur.