Kefindən qalmayan oğru...

Bu həftənin əvvəlində məşhur müğənni Selin Dionun Monreal ətrafındakı villasına oğru girib. Lent.az-ın “mignews.com” saytına istinadən verdiyi məlumata görə, 36 yaşlı Daniel Bedar əvvəlcə villaya əsas girişdən daxil olmaq istəsə də, buna nail ola bilməyib.

O, villanın yaxınlığında müğənninin əri və meneceri Rene Anqelilin avtomobilini görüb. Avtomobildə qarajın açarı da olub. Qarajı açan oğru villaya daxil olub. Həmin vaxt Selin Dion əri və 3 uşağı ilə birlikdə Monreal şəhərində olub.

Daniel Bedar isə oğurluq üçün gəldiyi evdə özünü çox rahat hiss edib. Əvvəlcə vanna qəbul edib, sonra da soyuducuda olan piroqu qızdıraraq yeməyə başlayıb. Ancaq qonşular müğənninin evində naməlum şəxs olduğundan şübhələniblər və polisə zəng ediblər. Polislər evə gələn zaman Daniel Bedar pilləkənlə aşağı düşüb. O, polislərə üz tutaraq “Salam gənclər, siz burada nə edirsiniz?” sualını ünvanlayıb. Polislər də analoji sualı ona veriblər.
Kefindən qalmayan oğru saxlanılıb və sentyabrın 21-də məhkəmə prosesi olacaq.