Kərzainin qardaşının yasını da qana boyadılar
14 iyul 2011 16:11 (UTC +04:00)

Kərzainin qardaşının yasını da qana boyadılar

Lent.az-ın “France-Presse” agentliyinə istinadən verdiyi məlumata görə, Qəndəhar məscidində Əhməd Vəli Kərzainin ruhuna dualar oxunan zaman terrorçu-kamikadze özünü partladıb.

Partlayış nəticəsində 4 nəfər həyatını itirib, 15 nəfərə qədər insan yaralanıb. Ölənlər arasında Qəndəharın baş ruhanisi Hikmətullah Hikmət və uşaq da var. Partlayış baş verən vaxt məsciddə yas mərasimi üçün Qəndəhara gələn Əfqanıstan rəhbərliyindəki şəxslər, müdafiə, ədliyyə naziri, digər yüksək vəzifəli şəxslər, o cümlədən 15 deputat da olub.

Əfqanıstan rəhbərliyindəki şəxslər arasında ölənlər yoxdur. Partlayışdan sonra nazirlər ABŞ-a məxsus 2 hərbi vertolyotla aparılıblar. Digər vəzifəli şəxslər isə olay yerindən zirehli maşınlarla uzaqlaşıblar.
# 344

Oxşar yazılar