Rusiyada uşaqlara təcavüz edənlərə ən ağır cəza

Lent.az-ın İTAR-TASS agentliyinə istinadən verdiyi məlumata görə, qanun layihəsində uşaqlara cinsi təcavüzə yol verənlərin ömürlük azadlıqdan məhrum edilməsi də nəzərdə tutulub.
Başqa sözlə, şəxs bir dəfədən artıq belə hərəkətə yol verərsə, ömürlük azadlıqdan məhrum edilməsi qaçılmaz olacaq. Qanun layihəsi qəbul olunduqdan sonra uşaqlara cinsi təcavüz edənlərin şərti azadlıqdan məhrum edilməsi, cəzalarının təxirə salınması kimi hallara da qadağa qoyulacaq, belələri mütləq uzun müddət azadlıqlarını itirəcəklər.

Azyaşlı uşaqları manyaklaşan pedofillərdən qorunması üçün qanun layihəsində belələrinin həbsdən azadlığa çıxdığı zaman kimyəvi məhlul olan iynə vurulması ilə cinsi fəallıqdan məhrum edilməsi, başqa sözlə, axtalanması da təklif olunur. Həmin proseduru yerinə yetirməzdən əvvəl psixoloq və digər sahələr üzrə həkimlərdən ibarət komissiya qərar verməlidir.
Qeyd edək ki, Dövlət Duması hazırda iki oxunuşdan keçmiş uşaqlara cinsi təcavüz və uşaq pornofilmləri ilə bağlı qanun layihəsini üçüncü oxunuşda qəbul etməyə hazırlaşsa da, prezidentin təşəbbüsü ilə yeni qanun layihəsi göndərildiyi üçün üçüncü oxunuş ləğv olunub. Dövlət Duması bundan sonra məhz prezidentin təşəbbüsü il qanunverici orqana daxil olan qanun layihəsini müzakirə edəcək.