Bəhreyn müxalifəti birgə bəyanat yaydı

Bəhreyndə birgə bəyanat qəbul edən müxalifət qrupları iqtidarın həbslərə və təzyiqlərə son qoymasını istəyib. Lent.az-ın “trt.net.tr” saytının Azərbaycan versiyasına istinadən verdiyi məlumata görə, 7 sünni və şiə qrup tərəfindən hazırlanan birgə bəyanatda iqtidarın ölkədəki böhranı siyasi islahatlar yolu ilə həll etmək əvəzinə mitinqləri təhlükəsizlik problemi kimi dəyərləndirməsini sayıb.

Çox sayda müxalifətçinin həbs olunmasından sonra bir araya gələn müxalif təşkilatların sözçüləri birgə mətbuat konfransı keçirərək iqtidarın Səudiyyə Ərəbistanı və digər körfəz ölkələrinin hərbi birliklərini Bəhreynə dəvət etməsini sərt şəkildə tənqid ediblər. Bəhreyn xalqının demokratik seçki yolu ilə iqtidara gələn bir hökumət istədiyini vurğulayan müxaliflər iqtidarın xalqın demokratiya ilə bağlı tələblərini xarici qüvvələrin planı kimi dəyərləndirməsinə etirazlarını bildiriblər.

Müxalifət Küveytin Bəhreyndəki tərəflər arasında müzakirələrin yenidən başlaması üçün vasitəçilik təklif etməsini dəstəkləyib, eyni zamanda problemin dialoq yolu ilə həll olunmasını istəyən Türkiyənin baş naziri Rəcəb Tayyib Ərdoğanı alqışlayıblar.