Yoxa çıxan uşaq iki il sonra evdə tapıldı

İki ildir itkin olan düşən 6 yaşlı uşaq, şeytanın belə ağılına gəlməyən bir yerdə tapılıb.

Lent.az-ın Türkiyə mediasına istinadən məlumatına görə, təxminən iki il əvvəl övladlıq məsələsi üstündə valideynlərinin mübahisəsi zamanı məcbur qaçırıldığı iddia edilən 6 yaşlı Riçard Çekevdia, anası ilə birlikdə nənəsinin evində gizlicə tikilmiş otaqda tapılıb. Uşağın anası ilə birlikdə gizləndiyi otağa girə bilmək üçün divarı itələmək lazım imiş. Gizli otağın salonunun döşəməsində evin içində gəzə bilmək üçün düzəldilmiş keçid də tapılıb.

Uşağın fiziki və ruhi vəziyyətinin yaxşı olduğu bildirilir. Uşağın anası 30 yaşlı Şennon Uilfong zorla uşaq qaçırmaqda, 51 yaşlı nənə Dayana Dobbs isə ona yardım etməkdə təqsirləndirilərək mühakimə olunublar.

2007-ci ilin noyabr ayında ata Çekevdia oğlunun müvəqqəti valideynlik haqqını qazanıb. Oğlunun nənəsi tərəfindən gizlədilməsindən uzun müddət şübhələnən ata, daha sonra nənənin evində axtarış aparılmasına nail olub. Nənənin icazəsi ilə evdə aparılan axtarış zamanı uşağa aid heç bir iz tapılmayıb və ata bu şübhəsindən imtina edib.