Nobel mükafatının məbləği azalıb

Lent.az-ın “The Financal Times”ə istinadən verdiyi xəbərə görə, maliyyə böhranı ilə əlaqədar olaraq illik ödəmələrin indeksasiyası hələ 8 il öncə dondurulub.

Stokholmda elan olunan builki altı mükafatın hər birinin mükafat fondu 10 milyon İsveçrə kronudur (1,5 milyon dollar). Bu rəqəm 2001-ci ildən dəyişilməz qalır və indi valyuta kurslarının məzənnəsinin dəyişməsi nəticəsində pul mükafatının real dəyəri 1999-cu ildən bu yana ən aşağı həddə düşüb.

Böhran başlanan vaxtdan Nobel mükafat fondu 2008-ci ildə 22,3 faiz itirib. Ötən ilin sonlarına doğru onun həcmi 3, 11 milyard kron təşkil edirdi. Bu isə 10 il əvvəllə müqayisədə 3 dəfə azdır.

Bununla belə fondun özünün vasitələri artır. Kronun Britaniya funtuna nisbətdə möhkəmlənməsi, eləcə də uzunmüddətli qiymətli kağızlara uğurlu yatırım edilməsi sayəsində fond 2001-ci ildə 668 min funtdan 930 min funta qədər artıb. Bu isə 2010-cu ilin qalibləri üçün yaxşı xəbərdir. Çünki qaliblər Robert Edvards, Andreu Qeym və Konstantin Novoselov Böyük Britaniyada yaşayırlar.