“Özümü öldürsəm, ölü, öldürməsəm diri təslim olacağam”

Türkiyənin Muğla vilayətində 2 uşaq anası olan 57 yaşlı dul qadın evində bıçaqla boğazı kəsilərək öldürülüb. Lent.az-ın “Milliyet” qəzetinə istinadən verdiyi məlumata görə, Cəsədin yanında “Mən özüm təslim olacağam. Özümü öldürsəm ölü, öldürməsəm diri olaraq gələcəyəm” yazılmış bir məktub tapılıb.

Qadının cəsədi avqustun 27-də tapılıb. Mərhum Rəhimə Pekəri ziyarət etmək üçün onun evinə gedən qızı Behçet Andaç Peker öz açarı ilə qapını açıb içəri keçib. Bu zaman o, divanın üstündə anasının qan içindəki cəsədini görüb.

Evdən heç bir əşyanın oğurlanmadığını, evin dağıdılmadığını müəyyən edən polis ay yarımdır Rəhimə Pekərlə yaşayan qohumu O.G.-nin axtarışına başlayıb. Daha əvvəl uzun müddət Almaniyada yaşayan və adam öldürmək səbəbi ilə həbsxanada yatan O.G. sonra Almaniyadan xaric edilib. Onun psixoloji problemlərinin də olduğu öyrənilib.