Moskva ilə danışıqları rəsmi Tiflis təsdiqlədi

Gücrüstan baş nazirinin özəl təmsilçisi Zurab Abaşidz və Rusiya xarici işlər nazirinin müavini Qrioqori Karasinlə İsveçrədə keçirilməsi nəzərdə tutulan görüşü rəsmi Tiflis təsdiqləyib.

Lent.az-ın «nyusru»-ya istinadən məlumatına görə, Gürcüstanın xarici işlər naziri Mayya Pancidze bildirib ki, «qarşıdurma yaradacaq məsələlərə» deyil, əsasən texniki problemlər müzakirə ediləcək.

Texniki məsələlərdən danışanda o, bunları deyib:«Texniki məsələlərə örnək olaraq, tərkibin müəyyənləşdirilməsini, müzakirələrin keçirilməsi müddətini göstərə bilərəm.

Dəfələrlə bəyan etmişəm ki, Gürcüstan iki məsələdə güzəştə gedə bilməz biri, ərazi bütövlüyü, o biri isə seçim azadlığıdır. Seçimə gəldikdə biz Avropa Birliyi və NATO-ya inteqrasiyanı seçmişik.

Bu yalnız indiki hakimiyyətin deyil, Gürcüstan müstəqil olandan hakimiyyətə gəlmiş bütün hökumətlərin tutduğu yol olub. Bu sarsılmaz yolumuzu Moskvada da yaxış bilirlər».