Yunanlar: «Türklər, Trakiyadan çıxın!»

«Qızıl Şəfəq» Partiyasının deputatı:«Biz gözümüzü Ayasofya və İstanbuldan çəkməmişik».

Yunanıstanın ifrat sağçı «Qızıl Şəfəq» Partiyasının Trakiyadakı türklərə qarşı çıxışlarını davam etdirir.

Lent.az-ın «CNNTürk»ə istinadən məlumatına görə, sol qurumları isə onlara etirazını bildirib.

İfrat sağçılar türklərin sıx yaşadığı Gümülcinədə öz qurumlarının şöbələrini açıb.

Tədbirdə bu partiyadan olan deputat İlias Panayiotaros deyib:«Trakiyada özünü yunan hiss edənlər qalsın, başqaları Şərqə getsin. Türklər, çıxın,gedin! Biz gözümüzü Ayasofya və İstanbuldan çəkməmişik».

Bunun ardınca bir qrup «qızıl şəfəq»çi «Türklər, Trakiyadan çıxın!» şüarını söyləyərək, türklər yaşayan məhəllələrdən keçərək, oradakı Türkiyə konsulluğuna doğru yürüyüblər.

Həmin ərazidə polis nəzarəti gücləndirib və konsulluğun yerləşdiyi küçəyə onların girməsinə imkan verməyib.

İfrat sağçılar isə «Qızıl Şəfəq» Partiyasının türklərin bölgələrində şöbə açmalarına qarşı etiraz edib. Polis nümayişləri dağıtmaq üçün səs qumbarası atıb.