Sərt qış avropalılara sərt üzünü göstərdi

Avropada sərt şaxta və yağan güclü qar onlarla insanın ölümünə səbəb olub.

Lent.az-ın İTAR-TASS-a istinadən verdiyi məlumata görə, sərt qışdan ən çox Balkan ölkələri ziyan çəkib. Artıq 30 saatdır ki, bu bölgəyə fasiləsiz olaraq qar yağır.

Məlumata görə, güclü qar səbəbindən minlərlə xilasedici yollarda qalan minik və yük maşınlarının sürücülərini xilas etməyə cəlb olunub. Avropanın böyük aeroportları da fəaliyyətini dayandırıb. Amstredam, Frankfurt-na-Mayn və Dyusseldorf aeroportunda onlarla reys ləğv edilib. Fransa, Belçika, Almaniya və Hollandiyada sürət qatarlarının hərəkəti dayandırılıb.