Mursi müxalifətlə razılaşır

Misir prezidenti müxalifətin irəli sürdüyü şərtləri qəbul edib.
Lent.az-ın «BBC»-yə istinadən məlumatına görə, baş nazir Hişam Qəndil jurnalistlərə açıqlamasında deyib ki, Məhəmməd Mursi yeni Ana Yasa ilə bağlı referendumun vaxtının dəyişdirilməsi və səlahiyyətlərinin artırılması nəzərdə tutulmuş konstitusiya qətnaməsinə dəyişiklər etməyə hazırdır.

«Prezident Mursi və ölkəmizin siyasi qüvvələri referendumun keçirilməsini təxirə salınması qanuni yolla müzakirə etmək istəyirlər. Prezident səsvermənin təxirə salınmasına qarşı deyil»-deyə, baş nazir söyləyib.

Qeyd edək ki, Məhəmməd Mursi dekabrın 15-də referendumun keçirilməsi barədə sərəncam vermişdi.

Müxalifət onun bu göstərişini «tələsik addım» adlandıraraq, bildiriblər ki, yeni Anan Yasa layihəsində siyasi, dini azadlıqlara və qadın haqlarına yetərincə diqqət ayrılmayıb.