Tatlısəsdən saxta bal üsyanı

Türkiyənin məşhur müğənnisi İbrahim Tatlısəs televiziya reklamları ilə bal satan firmalara etirazını bildirib.

Lent.az-ın “Hürriyet” qəzetinə istinadən verdiyi məlumata görə, müğənni “Twitter” sosial şəbəkəsindəki səhifəsində Türkiyənin kənd təsərrüfatı və heyvandarlıq naziri Mehdi Ekerə xitabən yazıb ki, bal satan firmaların xalqa qarşı hərəkətləri günahdır.

İbrahim Tatlısəs vurğulayır ki, firmalar şəkərlə qlükozanı qarışdırıb bal adı altında insanlara satırlar: Bir də “arı saxtakarlıq etməz” deyirlər! Ancaq hiyləgərliyin iki qatını edirlər. Heç 60 dollara 6 kiloqram bal olarmı?! Biz vətəndaşlar reklama aldanıb həmin balı yeyirik. Heç bilirsinizmi ki, təmiz balın 1 kiloqramı neçəyədir? Sürücüm Cengiz belə o reklamlara aldanaraq tələyə düşüb. Biz nə deyərsək deyək, saxta bal satanların cibləri, kisələri doldu, daşdı... Hətta çuvalla belə pul qazanırlar. Bir binanın altında emalatxana yaradıb, şəkərlə qlükozanı qarışdırıb satırlar. Siz yemirsiniz, amma reklam edib yedirirsiniz...”.