İnquşetiyada polisə hücumların sayı 50 faiz artıb

Rusiya İstintaq komitəsi İnquşetiya idarəsinin başçısı İbrahim Moquşkov cari ilin 10 ayı ərzində asayiş keşikçiləri əməkdaşlarına hücumların sayının ötən ilin uyğun dövrü ilə müqayisədə 32-dən 48-dək artdığını söyləyib.

Lent.az-ın «RİA-Novosti»-yə istinadən məlumatına görə, o, deyib:«2012-ci ildə baş vermiş belə cinayətlər nəticəsində 92 nəfər xəsarət alıb, onların 84-ü asayiş keşikçiləridir. 18 nəfər həlak olub».

Onun sözlərinə əsasən, ötən ilin uyğun dövründə 33 nəfər xəsarət alanın 31-i hüquq –mühafizə orqanlarının əməkdaşlarıdır. Onların da 12 nəfəri həlak olub.

Moquşkov qeyd edib ki, bu olaylar nəticəsində 8 dinc sakin xəsarət alıb, onlardan biri həlak olub:«Ötən il isə bir dinc sakin həlak olmuş, biri də xəsarət almışdı».