«BBC» lorda 300 min ödəyəcək

«BBC» lord Alister Makelpaynla razılıq əldə edib. Lent.az-ın bu şirkətə istinadən məlumatına görə,lorda qurum 300 min dollara (185 min funt) yaxın təzminat ödəyəcək.

Bu olaydan sonra lord cəmiyyətin «nifrət obyektinə çevriləcəyindən» dəhşətə gəldiyini söyləyib.

Xatırladaq ki, noyabrın 2-də «Newsnight» («Gecəxəbəri») adlı verilişdə jurnalist səhvən tanınmış siyasətçinin adını «pedofiliya» («uşaqbazlıq») olaylarında iştirakda hallandıraraq, onu suçlamışdı.

Şirkətin baş direktoru Corc Entuisl lord Alister Makelpayndan üzr istəyərək, bildirib ki, verilişin efirə çıxmağından xəbəri olmayıb.

Həmin yayında 1970-80-ci illərdə Uelsdə uşaq evlərində uşaqların cinsi zorakılığa məruz qalmalarından bəhs edilir. Bu verilişdə uşaq evinin keçmiş uşaqlarından biri ad çəkmədən zorakılıq edənlərdən birinin Mühafizəkarlar Partiyasının üzvü və onun hazırda tanınmış siyasətçi olduğunu söyləyib.