Xorvatiya baş nazirinin müavininə Macarıstanda iş kəsilib

Macarıstan məhkəməsi Xorvatiya baş nazirinin müavini və iqtisadiyyat naziri Radimir Çaçiçi yol – nəqliyyat qəzası törətdiyinə görə 22 aylığına azadlıqdan məhrumetmə qərarı çıxarıb.

Lent.az-ın «RİA-Novosti»-yə istinadən məlumatına görə, onun törətdiyi yol qəzası nəticəsində iki nəfər həlak olub.

Məlumata əsasən, 2010-cu ilin dekabrında o, özünün «Chrysler 300C» markalı maşını ilə Budapeştə doğru hərəkət edirmiş. Yolda macar Katalin Liptakın idarə etdiyi «Skoda Fabia»-sı ilə toqquşur. Nəticədə avtomobildəki Liptakın 60 yaşlı həyat yoldaşı və onun 81 yaşlı anası həlak olur.

Onda məsələni şişirtmədən və araşdırma aparılacağından xorvat siyasətçini sərbəst buraxmışlar.

Beləliklə, Çaçiç bu müddətin yarısını həbsxanada keçirməlidir, qalanını o, şərti azadlıqda ola bilər. Cəza iki ay müddətində icra olunmalıdır. Siyasətçinin şikayət etmək hüquq yoxdur.

Qətərdə səfərdə olduğundan o, məhkəmə prosesində iştirak etməyib. Çaçiç Xorvatiya Xalq Partiyasının lideridir. 2011-ci ildən Zoran Milanoviçin yeni hökumətində müavin vəzifəsini tutur.