Terror vahiməsi ilə hay-küy salan pilot sərbəst buraxılıb
10 noyabr 2012 07:40 (UTC +04:00)

Terror vahiməsi ilə hay-küy salan pilot sərbəst buraxılıb

Texasın Federal Məhkəməsi ABŞ-ın «JetBlue Airways» hava şirkətinə məxsus təyyarəni pilotunu sərbəst buraxıb.

Lent.az-ın «BBC»-yə istinadən məlumatına görə, bu il martın 27-də Nyu-York - Las-Veqas marşrtu ilə uçan təyyarənin komandiri Kleyton Osborn kabinəndən çıxaraq, terrorçular və təyyarəyə qoyulmuş bombadan danışıb, uçuş zamanı hay-küy salıb.

Sərnişinlər onu sakitləşdirib. İkinci pilot təyyarəni məcburi endirib. 135 sərnişin zərər çəkməyib.

K.Osborn uçuş qaydalarını pozduğu üçün saxlanılıb. Mütəxssislər onun olay zamanı özündə olmadığını bildirdikdən sonra keçmiş komandir sərbəst buraxılıb.

Bu ilin avqustunda keçirilən məhkəmə dinləməsi zamanı Osborn məhkəmə-tibbi ekspertizadan keçdikdən sonra sinir sistemində pozğunluğun olduğu məlum olub.
# 618

Oxşar yazılar