Hökumət başçısı israfçılıqda günahlandırılır

İspaniyanın Kataloniya əyalətinin hökumət başçısı Artur Mas «isrfaçılıq»da suçlanıb.

Lent.az-ın «RİA-Novosti»-yə istinadən məlumatına görə, İspaniyanın indiki ağır iqtisadi vəziyyətində onun xanımı ilə birlikdə sutkası 1600 avroya olan prezident nömrəsində qalması bu tənqidin səbəblərindəndir.

Kataloniyadakı hakim Xalq Partiyasının lideri Alisiya Sançes-Kamaço deyib ki, Mas Rusiyaya səfəri zamanı «dövlət xəzinəsindən» nəzərdə tutulandan artıq xərclədiyi pulları geri qaytarmalı və bu «israfçılığa görə kataloniyalılar qarşısında üzr istəməlidir».

Kataloniya Vətəndaş Birliyinin lideri Albert Rivera isə Kataloniya hökumət başçısından Moskvaya səfərinin nəticələri ilə bağlı hesabat verməsini tələb edib:«Mənim bildiyimə görə, Masın Moskvaya səfəri zamanı konkret nəticə əldə edilməyib.İqtisadi sahədə əməkdaşlığın genişləndirilməsi ilə bağlı heç bir razılaşma imzalanmayıb».

Xatırladaq ki, A.Mas ötən həftə iqtisadi-ticari sahədə əməkdaşlığı genişləndirmək məqsədi ilə Moskvaya səfər etmişdi.