Məhəmməd peyğəmbərin qəbri görüntüləndi – FOTO

Lent.az-ın verdiyi məlumata görə, bu foto-şəkli İranın “Şafak” agentliyi yayıb. Agentlik qəbrin ilk dəfə görüntüləndiyini yazıb. Lakin bu il iyulun 21-də Türkiyənin TNT televiziya kanalında qərbin video-görüntüsü yayılıb.

Qeyd edək ki, Səudiyyə Ərəbistanı Məhəmməd peyğəmbərin qəbrinin görüntülənməsinə qadağa qoyub. 2001-ci ildə İngiltərədəki Sothebys Muzeyində Məhəmməd peyğəmbərin qəbrinin fotosu olduğu və 19-cu əsrdə çəkildiyi iddia edilən bir fotoşəkil hərraca çıxarılıb. İlkin qiyməti 132 min dollar olan şəkil böyük maraq doğurub. Ancaq türkiyəli tarixçilər bu foto-şəklin Məhəmməd peyğəmbərin qəbrinin deyil, Osmanlı dövlətinin qurucusu Osman bəyin Bursanın Tophane bölgəsində yerləşən qəbrinin şəkli olduğunu sübut ediblər. Bundan sonra Sothebys Muzeyinin rəhbərliyi üzr istəyərək hərracı dayandırıb.

“Şafak” agentliyi isə Məhəmməd peyğəmbərin qəbrinin foto-şəklinin hansı şəraitdə çəkildiyinə aydınlıq gətirməyib.