Klinton İrandan «Saxarov»çuların azadlığa buraxılmasını istəyib

ABŞ-ın dövlət katibi Hilari Klinton İran vətəndaş cəmiyyəti fəalları Nəsrin Studə və Cəfər Pənahini Avropa Parlamentinin Saxarov adına azad düşüncə mükafatına layiq görülməsi münasibəti ilə təbrik edib.

«Biz İran hakimiyyətini Studəni təcili azadlığa buraxmaca, Pənahiyə tətbiq edilən həbs müddəti və məhdudiyyətləri aradan qaldırmağa, bütün siyasi məhbusları, habelə adi siyasi və dini baxışlarına görə həbs olunmuşları azadlığa buraxmağa çağırırıq» -deyə, Klinton bildirib.

O, vurğulayıb ki, Nəsrin Studə və Cfər Pənhinin fəaliyyəti həm də İran əhalisinin insan azadlıqlarının təməllərindən istifadə etmək istəyini özündə əks etdirir.

Nəsrin Studə vəkildir. O, məhkəmədə dəfələrlə müxalifət təmsilçilərini müdafiə edib. N.Studə 2010-cu ilin əvvəlində «dövlətə qarşı təbliğatda» və «milli təhlükəsizliyə qarşı çıxışda» ittiham edilərək, 11 il müddətinə azadlıqdan məhrum olunub.

Rejissor Cəfər Pənahi isə «hökumət əleyhinə fəaliyyət» suçlanaraq, İran həbsxanalarından birindədir.