Bəy öz toyuna çatmadı -

Türkiyədə qeyri-adi toy mərasimi keçirilib. Lent.az-ın “haberturk” saytına istinadən verdiyi xəbərə görə, Türkiyədə keçən il nişanlanan çavuş Nəbi Eraslan oktyabrın 21-də toy etmək üçün 900 liraya (təxminən 400 manat) kirayə yer götürüb. Ailələr toy hazırlıqlarını tamamlayaraq, dəvətləri paylayıb. Lakin Hakkarida çavuş olaraq vəzifəsini icra edən bəy Nəbi Eraslan yol təhlükəsizliyi ilə bağlı toyuna gəlib çata bilməyib.

300 nəfərin qatıldığı mərasim bəy olmadan keçirilib. Gəlin Fidan Eraslan həyat yoldaşını çox sevdiyini və onunla qürur duyduğunu deyib: “Həyat yoldaşım toyumuza gəlmədi. Amma üzgün deyiləm. Çox xoşbəxtəm və onunla fəxr edirəm. Bizi bu hala gətirənlərə haqqımı halal etmirəm. Həyat yoldaşım və digər hərbçilər tərəfindən biz təhlükəsiz yaşayırıq. Vətən sağ olsun”.

3 saata yaxın davam edən toyda qonaqlar gəlinlə birlikdə əylənib, rəqs ediblər. Cütlüyün nikahının daha əvvəldən bağlandığı deyilib.