İngilislər Folklenddən neft çıxaracaq

2017-ci ildən Folklend adasından neft hasil ediləcək.
Len.az-ın «lenta.ru»-ya istinadən məlumatına görə, bu haqda Cənubi Atlantikada hasilatla məşğul olan «Rremier Oil»lə əməkdaşlıq edən «Rockhopper» kəşfiyyat şirkət açıqlama verib.
Yatağın adı «Dəniz şiri»dir. Orada 300 milyon barrelə yaxın neft olduğu ehtimal olunur. Onun istifadəsi üçün 600 milyon funt sterlinq maliyyə vəsaiti xərclənəcək. Bu məbləğin 145 milyonu «Roskhopper» çatacaq.

Adaya iddiaçı olduğundan Argentina da kəşfiyyat quyusunun qazılmasına etiraz edir. Mövcud şəraitə uyğun olaraq, şirkət quyunun qazılması üçün Britaniya hökumətindən icazə alıb.
Britaniya ilə Argentina arasında qarşıdurma 2010-cu ildə adada neft ehtiyatı tapıldıqdan sonra daha da kəskinləşib. 2011-ci ilin sonunda Argentina, Braziliya və Uruqvay adanın bayrağı altında üzən gəmiləri öz limanlarına buraxmayıb.

Qeyd edək ki, Britaniya Argentinaya məxsus bu adanı 1833-cü ildə işğal edib. 19820-ci ildə Buenos-Ayres müvəqqəti də olsa adanı geri qaytara bilmişdi. Ancaq ingilislər ora əlavə qüvvə göndərəndən sonra ada üzərində hüquqlarını bərpa etmişdilər.

Həmin il bu torpaq uğrunda savaşda 649 argentinalı, 255 nəfər britaniyalı əsgər həlak olmuşdu.