Ancelina Colinin uşaqları: «Onlar Məlalanı niyə öldürmək istəyirdi?»

Hollivudun tanınmış aktrisası Ancelina Coli təhsili dəstəkləyə yazılar yazdığı üçün Pakistanda tərəfindən başından güllələnən 14 yaşlı Məlala Yusifzayın ata-anasına messaj yazıb.

Lent.az-ın «Habertürk»-yə istinadən məlumatına görə, o, öz uşaqlarına Məlalanın başına gələnləri danışdığını, məsələ ilə bağlı onların fikirlərini öyrəndiyini yazıb.

O, «Daily Veast» adlı saytda yazısını belə sona çatdırıb:«Övladlarım bir uşağın suçunun yalnız məktəbə getmək olduğunu və buna görə onun öldürülməsi istəyini anlamadılar. 8 yaşında oğlum Paks Məlala heykəl qoyulub-qoyulmayacağını, 6 yaşlı qızım Şilo isə onun ev heyvanlarının olub-olmadığın, Məlala ölərsə, həmin heyvanlara kimin baxacağını soruşdu.

Səhəri gün Pakistanda Məlalanı dəstəkləyən başqa uşaqlarında fotoları qəzetlərdə var idi.

Paks həmin uşaqların öldürülmə təhlükəsinin olduğunu söylədi. Mən də ona belə izahat verdim: «Onlar bu təhlükənin bilirlər. Məlala təhsilin önəmini pakistanlılara xatırladıb, onlara təsir etdi».

Vəziyyəti anlamağa çalışan uşaqlarım sonra məndən soruşdular: «Niyə o, adamlar Məlalanı öldürmək istəyirdi?» Cavabım belə oldu: «Çünki təhsil çox güclü bir vasitədir».

Xatırladaq ki, Məlalanın müalicəsi İngiltərənin Birmingem şəhərində, kraliça Yelizavet xəstəxanasında davam edir.