Müəzzinə iradına görə 18ay iş

Türkiyədə tanınmış pianoçu və bəstəkar Fazil Say oktyabrın 18-də küfr ittihamı ilə məhkəmə qarşısına çıxarılıb. İttihama görə o, namaza çağıran müəzzinin bir dəfə azanı yalnız 22 saniyə oxumasını özünün Twitter hesabında belə yazıb: "Hara gedirsən, qadın yanına yoxsa, stolun üstündə rakı qalıb, ora tələsirsən?"

Lent.az-ın məlumatına görə, hüquq-mühafizə orqanların bu ilin iyununda bu ifadəsinə görə onu « dini dəyərlərin təhqiri, nifrət və düşmənçilik salmaq»da ittiham edərək, pianoçuya qarşı cinayət işi açıblar.

Bu ittiham sübut olunsa, Fazil Saya 18 ay iş kəsilə bilər.

Məhkəmə binasının qarşısına Fazil Sayın pərəstişkarları və sənətçi dostları da onu dəstək üçün toplaşıblar. Onlardan biri aktyor Rutkay Əziz ittihamları ifadə azadlığının pozulması kimi qiymətləndirib:

- Fazilin ittiham olunması kimi bir düşüncənin özü suçdur. Onu pianosu, bəstələri ilə dünyaya buraxacaqsan, konsertlərini verəcək, biz də kənardan bunu alqışlayacağıq. Dövlətin üzərinə düşən iş budur.

Fazil Say özü ittihamları rədd edir. Məhkəmə gələn il fevralın 18-ə qədər təxirə salınıb.

Fazil Say Berlin və Nyu-York orkestrlərində çıxış edir. O, həmçinin Avropa Birliyinin mədəniyyət səfiri kimi də çalışıb.