Məşhur «Newsweek» bağlanır

ABŞ-da çıxan həftəlik «Newsweek» xəbərlər dərgisinin rəhbərliyi jurnalın çap versiyasının bağlanması haqda qərar qəbul edib.

2013-cü ildən 80 yaşlı bu mətbu orqanı yalnız internet variantda çıxacaq.

Lent.az-ın «Röyter»-ə istinadən məlumatına görə, yeni internet-jurnal «Newsweek Global» adlanacaq. Jurnalın son kağız versiyası bu dekabrın 31-də işıq yzy görəcək.

«Newsweek» jurnalı indiki kağız buraxılışının tirajına görə, ABŞ-da yalnız «Time»-ya «uduzurdu».

2010-cu ildə jurnalın naşiri «Washington Post Company» onu amerikalı iş adamı Sidney Xarmana satmışdı.

Dərginin rus dilində çıxan «Russkiy Newsweek» variant isə iqtisadi çətinlik ucbatından 2010-cu ildən çıxmırdı.