Türkiyəli mafioz Ukraynadan deputat olmaq istəyir - FOTO

Lent.az-ın Ukrayna KİV-ə istinadən verdiyi məlumata görə, illər öncə Ukraynanın Krım yarımadasına gələn və burda iş quran Əli Trejeri qaranlıq keçmişi olan və Türkiyənin kriminal aləmi ilə bağlı şəxs kimi xarakterizə edirlər.
Məlumata görə, Əli Trejer insan alverində də günahlandırılır. Bundan başqa, “Qızıl Əli” ləqəbli bu şəxs “Hizb-ut-Təhrir”lə əlaqədə də şübhəli bilinir.
Ukraynada “As Qrup” şirkətinin prezidenti kimi müxtəlif layihələr həyata keçirən “Qızıl Əli” bir neçə il əvvəl Ukrayna vətəndaşlığı alıb. O, Radaya keçirilən seçkilərdə “Rodina-Vitçizna” blokundan namizəd kimi iştirak edir.