Müxalifət atəşkəsə razıdır, əgər...

Milli Şura Suriya müxalifəti adından müvəqqəti atəşkəs ideyasını dəstəkləyib. Lent.az-ın xarici informasiya vasitələrinə istinadən məlumatına görə, bunun üçün onlar ilk növbədə Dəməşqin bu addımı atmasını şərt kimi irəli sürüblər.

«Biz atəşkəslə bağlı istənilən təklifə müsbət yanaşırıq. Ancaq hesab edirik ki, bu çağırışa ilk növbədə Suriya rejimi əməl eməlidir» - deyə, Milli Şura lideri Əbdül Basət Seyid söyləyib. Onun sözlərinə görə, Suriya Azadlıq Ordusu «rejimin hərbi maşınını dayandırmaq üçün sadəcə olaraq müdafiə olunur».

BMT və Ərəb Liqasının özəl təmsilçisi Lahdar İbrahim Tehranda apardığı danışıqlarda rəsmi Dəməşqin birtərəfli qaydada atəşkəs etməsini, onun ardınca bu müxalifətin bu addımı atacağına razılıq verdiyini söyləyib.

D.İbrahimi atəşkəsin Qurban bayramında olmasını təklif edib. Rəsmi Dəməşq isə bu təklifi araşdırmağa hazır olduqlarını bildirib. Bununla belə, Suriya Xarici İşlər Nazirliyinin rəsmi təmsilçisi Cihad Müqəddəsi deyib ki, təşəbbüsün uğurlu olması üçün «hər iki tərəf bu ideyaya dəstək verməlidir».