«Obamaya səs verən işdən qovulacaq»

ABŞ-da ifrat sağçı «Çay Partiyası»-nın önəmli maliyyə dəstəkçisi sayılan David Koç və Carles Koç qardaşları müəssisələrindən çalışan 50 min işçiyə məktub göndərərək, onları noyabrın 6-da Demokratlar Partiyasının namizədi Barak Obamaya səs verməməyə çağırıb.

Lent.az-ın Türkiyənin «NTV» telekanalına istinadən məlumatına görə, ABŞ-da çıxan "In These Times"da çap edilən bu xəbərə əsasən, «Georgia Pacific» şirkətlərinin yiyəsi olan qardaşlar həmin məktubda bildiriblər:«Demokratlar Partiyasına səs verərlərsə, o zaman 50 min işçimizdən bəziləri sanksiyaya məruz qala bilər».

Onlar demokratların yenidən qalib gələcəyi halda inflyasiyanın artacağını, benzin və başqa yanacaq məhsullarının bahalaşacağını, iqtisadi sıxıntıların artacağını da iddia ediblər:«Odur ki, siyasi görüşünüzdən müstəqil çıxış edərək, Demokratlar Partiyasına səs verməyin».

Bu qardaşlar ABŞ-ın ən zəngin insanlarından sayılmaqla yanaşı, ifrat mühafizəkardırlar. «Çay Partiyası»ının isə ölkə siyasətinə təsiretmə gücündə olması üçün onlar milyonlar pul xərcləyir.