Yerin isinməsi 16 ildir dayanıb

Dünyanın iqlim durumuna dair İngiltərədə yayımlanan bir hesabat insanların narahatlığına son qoya bilər.
Lent.az-ın Türkiyənin «NTV» telekanalına istinadən məlumatına görə, hesabat 1996-cı ildən bu yana Yer kürəsinin isinməsi dayanıb.
İngiltərənin beynəlxalq meteoroloji xidmətinin yaydığı bu sənədə görə, iqlim dəyişməsi 16 il öncə durub. Dünyanın quru və dənizi üzərindən çeşidli 3 min yerlərdə aparılan araşdırma nəticəsində 1996-cı ildən 2012-ci ilin avqustunadək Yer kürəsində isinmənin artması müşahidə edilməyib.
Hesabatda bildirilib ki, dünyanın isinməsinin 1980-1996-cı illəri əhatə edib. Araşdırmada 1996-cı ildən sonrakı illər Yer kürəsində iqlim dəyişməsinin «durğunluq dönəmi» kimi dəyərləndirilib.
Bu hesabat alimlər arasında mübahisəyə səbəb olub. Onların bəziləri araşdırmadakı «durğunluq dönəmini» əsassız sayıb.
İngiltərənin Şərqi İngiltərə Universitetinin professoru Fil Conesin qənaətincə,15-16 il ərzində aparılan müşahidə Yer kürəsində iqlim dəyişməsi ilə bağlı nəticənin əldə edilməsindən ötrü yetərli deyil.
ABŞ-ın Corciya Texniki Universiteti iqlim departamentindən Cudit Karri isə hesabatda verilən müddətinin doğruluğunu təsdiqləsə də, bu araşdırmada istifadə olunan kompüter proqramlarındakı çatışmazlıqlara da diqqəti çəkib.
Onu sözlərinə görə, həmin proqramlar Cünəş və okeanlarda baş verən dəyişiklikləri uzun müddət izləyə bilmir.