Urmiya gölünün 70 faizi quruyub

Tehran hakimiyyətinin laqeyd münasibəti ucbatından Orta Şərqin təbii gözəlliklərindən biri, Urmiya gölü məhv olur.
Son günlər yayılan açıqlamalara əsasən, artıq gölün 70 faizi quruyub.
Lent.az-ın İranın informasiya vasitələrinə istinadən məlumatına görə, İslam Respublikasının Ətraf mühitin qorunması təşkilatının rəhbəri Məhəmmədcavad Məhəmmədizadə deyib ki, Urmiya gölünün ərazisi çox kiçilib, oradakı 5 adanın ətrafında su tamamilə quruyub.
Hazırda göldəki suyun bir litrində 400 qram duz oludğu bildirilib. Əvvəllər isə bu rəqəm 160-170 qram təşkil edib.
İran hakimiyyəti Urmiya gölü ilə bağlı faciənin qarşısını alacaqlarını, ora Araz çayından 600 milyon kubmetr su axıdılmasını nəzərdə tutan layihəni təsdiqlədiklərin, bu planın gerçəkləşdirilməsi üçün 1,2 milyard dollar sərmayə yatırılması ilə bağlı maliyyə vəsaitinin ayrılıdığını bəyan etmişdilər.
İran hökuməti isə 2011-ci ilin sentyabrında Urmiya gölünün qurumasının qarşısının alınması üçün görüləcək tədbirlərə ümumilikdə 900 milyon dollar maliyyə vəsaiti ayırmışdı.