Yaraqlılar bədəndən cin çıxardan mollanı öldürdülər

Dağıstanın Kumtrkala rayonunun Uçkent kəndində yerli molla qətlə yetirilib. Lent.az-ın yerli KİV-ə istinadən verdiyi məlumata görə, İsmayıl Hacıyevin evinə gələn üç naməlum yaraqlı onu həyətə çıxararaq güllələyib.
Kənd sakinlərinin Dağıstan telekanallarına dediyinə görə, Hacıyev qeyri-ənənəvi yolla, insanların bədənindən cin çıxarma üsulu ilə onları müalicə edirmiş. Yaraqlıların ona bu işdən əl çəkməsi barədə dəfələrlə xəbərdarlıq etdiyi də bildirilir.
Hazırda yaraqlıların axtarışı davam edir.