ABŞ Rusiyanı tənqid edib

ABŞ Dövlət Departamenti Rusiyanın Suriyaya hərbi yük göndərməsini kəskin tənqid edib.

Lent.az-ın «BBC»-yə istinadən məlumatına görə, qurumun təmsilçisi Viktoriya Nuland deyib ki, bu siyasət Bəşər Əsəd rejiminə münasibətdə «mənəvi yoxsulluq»dur.

Moskva əvvəlcə Suriyaya hərbi yük göndərmədiyini bildirsə də, sonradan Türkiyənin məcburi endirdiyi Moskva – Dəməşq təyyarə reysində Hava Hücumundan Müdafiə sistemi üçün Rusiyada istehsal olunmuş hərbi elektron avadanlığın olduğunu etiraf edib.

Nuland qeyd edib ki, Kreml bu sayaq davranışı ilə beynəlxalq normaları pozmur, çünki Moskva və Pekin BMT Təhlükəsizllik Şurasının Suriyaya qarşı sanksiyaları qapadaraq, onu dəstəkləməmişdi. «Bütün hallarda belə siyasət mənəvi yoxsulluqdur»-deyə, amerikalı təmsilçi bildirib.

Onun sözlərinə görə, ABŞ «Təhlükəsizlik Şurası üzvünün bu kimi fəaliyyət davam etdirməsindən» rahatsızdır:«Biz bir ildən artıqdır deyir ki, Əsəd rejiminin hərbi maşınının öz başınalığına məsuliyyətli dövlətlərin heç bir yardım etməməlidir».