“Suriyaya silah göndərməmişik”

“Ukrayna Suriyaya silah göndərməyib və göndərmir”. Lent.az-ın BBC-yə istinadən verdiyi məlumata görə, bu barədə Ukrayna XİN-in nümayəndəsi Aleksandr Dikusarov bildirib.

Xatırladaq ki, BBC Ukrayna istehsalı olan və Səudiyyə Ərəbistanına göndərilmiş silahların Hələb şəhərində Suriya üsyançılarının əlində keçməsi barədə xəbər yaymışdı.

Ukraynada istehsal olunmuş silahların Suriya üsyançılarının əlinə necə keçməsi barədə sualı cavablandıran XİN sözçüsü isə onu da deyib ki, həmin silahlar müqaviləylə Səudiyyə Ərəbistanına göndərilib: “Biz bu yükün Səudiyyə Ərəbistanının sonradan necə istifadə etməsinə dair heç bir fərziyyə irəli sürə bilmərik”.