Tansu Çillər də ifadə verdi

Türkiyə informasiya vasitələrinin məlumatına görə,o, sədri olduğu Doğru Yol Partiyası və Nəcməddin Ərbakanın sədri olduğu Refah Partiyasının (RP) həmin dövrdə ordunun hədəfində olduğunu qeyd edib. İfadəsində prokurorluq əmakdaşlarına “Refah-Yol” hökumətinin ordu tərəfindən istefaya məcbur edilməsi barədə məlumat verən Tansu Çillər şikayətçi olmadığını da vurğulayıb.

Xatırladaq ki,1997-ci il fevralın 28-də başlayan bu proses həmin il iyunun 18-də baş nazir Nəcməddin Ərbakanın istefası ilə nəticələndi. Hökuməti yenidən qurmaq vəzifəsinin parlamentdə deputat sayına görə 2-ci partiyanın sədri olan Tansu Çillərə verilməsi gözlənilsə də dövrün prezidenti Süleyman Dəmirəl iyunun 19-da bu vəzifəni Ana Vətən Partiyasıının sədri Məsud Yılmaza vermişdi. M. Yılmaz isə iyunun 30-da “Anasol-D” hökumətini qurmuşdu.