Bidzina İvanişvilinin partiyası Saakaşvilini 15 faiz qabaqlayıb

«Partiyasının müxalifətə keçdiyini elan edə bilibsə, bunun məntiqi və düzgün davamı istefa və erkən prezident seçkilərinin təyin olunmasıdır», deyə İvanişvili bildirib.

İvanişvili Saakaşvilini istefaya göndərmək üçün impiçment təşkil etmək istəmədiyini bildirib.

«O özü getsə, daha yaxşı olar. Bununla o öz sifətini qoruyar. Düzünü desəm, məni Saakaşvilinin gələcəyi narahat etmir, lakin bu addımla o özünə yaxşılıq edə bilər», deyə İvanişvili əlavə edib.

Biznesmen həmçinin Saakaşvilinin çox çətin Konstitusiya yaratdığını bildirib.

«O, Konstitusiyanı özünə uyğunlaşdırıb və hakimiyyəti saxlamaq üçün çoxlu tələ qoyub... Belə Konstitusiya başqa heç kimdə yoxdur... Əlbəttə, Konstitusiya ilə bağlı problemlər olacaq. Bu çox çətin məsələdir, lakin biz bu vəziyyətdən çıxmalıyıq. Əks halda hansısa mərhələdə böhranla üzləşə bilərik», deyə İvanişvili qeyd edib.

Biznesmen Saakaşvilinin müxalifətə keçməklə bağlı verdiyi bəyanatı təqdir edib.
Xatırladaq ki,onun prezidentliyi müddəti 2013-cü iin oktyabrında başa çatır.

«Biz Saakaşvilinin belə bir bəyanat verməsi üçün lazımi şəraiti yaratormışdıq. Lakin yenə də bunu etdiyi üçün ona afərin. Bu yaxşı presedentdir», deyə o vurğulayıb.

Gürcüstan MSK-nın məlumatına görə, gecə saat 00.00 (Bakı vaxtı ilə) olan məlumata əsasən, səsvermə bülletenlərinin 94,05 faizi sayılıb. Milyarder Bidzina İvanişvilinin «Gürcü arzusu» bloku səslərin partiya siyahları üzrə səsvermədə 55,08 faiz səslə irəlidədir, prezident Mixail Saakaşvilinin «Vahid Milli birlik» partiyası 40,14 səs toplayıb.