“Bu qədər fəallığı təsəvvür edə bilməzdim” - HADİSƏ YERİNDƏN - AÇIQLAMA

Gürcüstan Mərkəzi Seçki komissiyası növbəti məlumatını yayıb. Lent.az-ın Tiflisdə olan müxbiri Səbuhi Məmmədlinin verdiyi xəbərə görə, yerli vaxtla saat 12-dək seçicilərin 26 faizi səsvermədə iştirak edib.

Müstəqil ekspert Qiya Qabadadze Lent.az-a verdiyi açıqlamada bildirib ki, bu, son illərdə Gürcüstanda keçirilən ümumxalq səsvermələri ilə müqayisədə ən yaxşı nəticədir.

Saat 12-yə qədər bu qədər seçicinin iştirakını ən optimist ekspertlər belə təxmin edə bilməzdilər. Güman edirəm ki, seçici aktivliyi bundan sonra daha dinamik şəkildə artacaq” - deyə o, qeyd edib.