“iPhone”da təhlükəli boşluq aşkarlandı
03 dekabr 2020 18:18 (UTC +04:00)

“iPhone”da təhlükəli boşluq aşkarlandı

“Google”un kibertəhlükəsizlik bölməsinin əməkdaşı İen Bir “iPhone”da təhlükəli boşluq aşkar edib.

Lent.az xəbər verir ki, bu barədə “Google Project Zero” saytında məlumat verilib.
 
İen Bir “iOS” əməliyyat sistemində “sıfır gün” (zero day) sahəsinə aid olan təhlükəli boşluq aşkar edib. Bu boşluq hakerə “iPhone” cihazına məsafədən qoşulmağa imkan verir. “Google”un əməkdaşı qurğuya qoşula, elektron poçtu oxuya, şəkilləri yükləyə, həmçinin kameraya və mikrofona çıxış əldə edə bilib.
 
Sözügedən boşluq “iPhone”, “iPad”, “Mac” kompüterləri və “Apple Watch” “ağıllı” saatlarının öz aralarında əlaqə qurmaq üçün istifadə etdikləri “AWDL” (Apple Wireless Direct Link) protokolunda aşkar edilib. Bu halda qurğunun sahibi müdaxilə izini aşkar edə bilmir. / “ICTnews” 

# 3592
avatar

Oxşar yazılar