Xarici ölkələr üçün “Sputnik V” koronavirus peyvəndinin bir dozasının dəyəri 10 dollardan az (753 rubl) müəyyənləşdirilib.
Lent.az Rusiya KİV-nə istinadla bildirir ki, bu haqda dekabrın 2-də Rusiya birbaşa investisiyalar fondunun rəhbəri Kirill Dmitriev məlumat verib.
“Bu peyvəndi dünyaya təqdim etməyə yönəlmişik və bütün ölkələrdə eyni qiymətə satılacaqdır”, - Dmitriev peyvəndin BMT üçün prezentasiyasında deyib.
O, “Sputnik V” peyvəndinin analoqları arasında ən sərfəli olacağını da əlavə edib.