Bir çox insan düşünür ki, möhkəm ailədə hər mövzuda zarafat etmək olar. Lakin mütəxəssislər xəbərdarlıq edirlər ki, bəzi ifadələr hətta zarafatla deyilsə belə, tərəfdaşın yaddaşında qalır və münasibətlərə uzunmüddətli zərər verə bilər. Psixoloqların fikrincə, bəzi sözlər bir dəfə səslənsə belə, onların təsiri illərlə davam edə bilər.
Lent.az bu 7 cümləni təqdim edir:
Münasibətlərə zərər verən 7 ifadə
Birinci ifadə: “Anam və ya keçmiş sevgilim bunu daha yaxşı bacarırdı". Tərəfdaşı keçmiş insanlarla və ya ailə üzvləri ilə müqayisə etmək onun özünəinamına ciddi zərbə vurur.
İkinci ifadə: “Sən heç nəyə nail ola bilməyəcəksən". Bu cümlə insanın məqsədlərini və ambisiyalarını dəyərsizləşdirir.
Üçüncü ifadə: “Sən elə bil uşaqsan". Belə sözlər qarşı tərəfə hörmətsizlik kimi qəbul edilir və münasibətdə bərabərlik hissini zəiflədir.
Dördüncü ifadə: “Səndən ancaq problem çıxır". Bir hadisəni ümumiləşdirərək insanın bütün davranışlarını mənfi qiymətləndirmək münasibətləri zədələyir.
Beşinci ifadə: “Sus"!
Mütəxəssislər bildirirlər ki, qarşı tərəfin sözünü kəsmək və danışmağa imkan verməmək emosional təzyiq formalarından biri hesab olunur.
Altıncı ifadə: “Dediklərin mənə maraqlı deyil".
Bu cümlə qarşı tərəfə onun fikirlərinin və hisslərinin əhəmiyyət daşımadığı mesajını verir.
Yeddinci və ən təhlükəli ifadə: “Boşanaq"!
Hətta zarafatla deyilən bu söz münasibətin təməlində çat yarada bilər. Psixoloqlar qeyd edirlər ki, insan beyni stress zamanı zarafatı və reallığı həmişə ayırd edə bilmir.
Əgər bu sözləri artıq işlətmisinizsə...
Mütəxəssislər səmimi şəkildə üzr istəməyi tövsiyə edirlər:
"Belə danışmağa haqqım yox idi. Dediklərim doğru deyildi. Məni bağışla". Onların sözlərinə görə, münasibətlərdə deyilən sözlər uzun illər yadda qalır və təsirini itirmir.
Bu ifadələrin yerinə nə demək olar?
“Sən elə bil uşaqsan” demək əvəzinə, “Əşyaları yerinə qoymadığın zaman narahat oluram” demək daha konstruktiv yanaşmadır.
“Boşanaq” ifadəsinin yerinə isə “Hazırda əsəbiyəm, amma bu barədə sakit şəkildə danışaq” demək tövsiyə olunur.
Psixoloqlar hesab edirlər ki, qəzəbi düzgün ifadə etməyi öyrənmək sağlam münasibətlərin əsas şərtlərindən biridir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
