3190
08:46
05 İyul 2020

Bıçaqla arvadını öldürən ər qızını da ağır yaralayıb

Naftalanda ər bıçaqla arvadını öldürüb, qızını isə ağır yaralayıb.

APA-nın Mingəçevir bürosunun məlumatına görə, hadisə axşam Naftalan şəhərində baş verib.

Ailə münaqişəsi zəminində ər 1979-cu il təvəllüdlü həyat yoldaşı Elmira Elm qızı Verdiyevanı və qızı 2002-ci il təvəllüdlü Həsənova Aysunu bıçaqlayıb.

Hər iki yaralı xəstəxanaya aparılsa da, Elmira Verdiyeva aldığı xəsarətdən ölüb. A.Həsənova reanimasiyaya yerləşdirilib.

Faktla bağlı şəhər prokurorluğundan cinayət işi başlanıb.